शरणपञ्चकम्
दुर्वारदुर्विषहदुःखशताभिघातै-
र्दूरार्दितस्य
भगवन्, मनसो गतिस्त्वम्।
भगवन्, मनसो गतिस्त्वम्।
दिष्ट्याद्य दिव्यकरुणावरुणालयं तं
त्वां सत्यसायिभगवन्,
शरणं प्रपद्ये॥१॥
शरणं प्रपद्ये॥१॥
मन्दस्मितातिरमणीयमुखारविन्दं
कारुण्यवर्षकमनीयकटाक्षपातम्।
शान्तिप्रदं भृशमशान्तहृदन्तराणां
त्वां सत्यसायिभगवन्,
शरणं प्रपद्ये॥२॥
शरणं प्रपद्ये॥२॥
भूयासमुत्सुकमतिर्भगवत्पदाब्ज-
सेवासु भागवतसङ्कथनोत्सवेषु।
न स्यां दुरन्ततरभौतिकसौख्यमग्न-
स्त्वां सत्यसायिभगवन्,
शरणं प्रपद्ये॥३॥
शरणं प्रपद्ये॥३॥
नित्यं स्वधर्मवशकर्ममयप्रसूनै-
रत्यन्तपावनतरैः
परिपूज्य च त्वाम्।
परिपूज्य च त्वाम्।
सत्यां प्रशान्तिमुपगच्छतु जीवितं मे
त्वां सत्यसायिभगवन्,
शरणं प्रपद्ये॥४॥
शरणं प्रपद्ये॥४॥
दिव्यानुभाव, दयया शिशिरीकुरुष्व
दीनं भवच्चरणदासममुं
महात्मन्।
महात्मन्।
त्वद्दर्शनामृतकणास्वादनैकतृप्त-
स्त्वां सत्यसायिभगवन्,
शरणं प्रपद्ये॥५॥
शरणं प्रपद्ये॥५॥
(Source: ‘Bhaktitarangini’
by Prof. P.C. Vasudevan Elayath, Published by Kerala Sanskrit Akademi)
by Prof. P.C. Vasudevan Elayath, Published by Kerala Sanskrit Akademi)