श्रीशारदाभुजंगस्तोत्रं

   
(श्री शंकराचार्यकृतं)

          

सुवक्षोजकुम्भां सुधापूर्णकुंभां

प्रसादावलम्बां प्रपुण्यावलंबाम् ।

सदास्येन्दुबिम्बां सदानोष्ठबिम्बां

भजे शारदाम्बां
अजस्रं मदम्बाम् ॥
१ ॥

कटाक्षे दयार्द्रां
करे ज्ञानमुद्रां

कलाभिर्विनिद्रां कलापैः
सुभद्राम् ।

पुरस्त्रीं विनिद्रां
पुरस्तुङ्गभद्रां

भजे शारदाम्बां
अजस्रं मदम्बाम् ॥
२ ॥

ललामाङ्कफालां लसत्गानलोलां

स्वभक्तैकपालां यशः
श्री कपोलाम् ।

करेत्वक्षमालां कनत्प्रत्नलोलां

भजे शारदाम्बां
अजस्रं मदम्बाम् ॥
३ ॥

सुसीमन्तवेणीं दृशानिर्जितैणीं

रमत् कीरवाणीं
नमत् वज्रपाणीम् ।

सुधामन्थरास्यां मुदा
चिन्त्यवेणीं

भजे शारदाम्बां
अजस्रं मदम्बाम् ॥
४ ॥

सुशान्तां सुदेहां
दृगन्ते कचान्तां

लसत् सल्लताङ्गीं
अनन्तामचिन्त्याम् ।

स्मरेत्तापसैः सङ्गपूर्वस्थितां तां

भजे शारदाम्बां
अजस्रं मदम्बाम् ॥
५ ॥

कुरंगे तुरंगे
मृगेन्द्रे खदेन्द्रे

मराले मदेभे
महोक्षेऽधिरूढाम् ।

महत्यां नवम्यां
सदा सामरूपां

भजे शारदाम्बां
अजस्रं मदम्बाम् ॥
६ ॥

ज्वलत् कान्ति
वह्निं जगन्मोहनाङ्गीं

भजे मानसांभोजसुभ्रांतभृंगीम् ।

निजस्तोत्रसंगीतनृत्यप्रभांगीं

भजे शारदाम्बां
अजस्रं मदम्बाम् ॥
७ ॥

भवांभोजनेत्राजसंपूज्यमानां

लसन्मन्दहासप्रभावक्त्रचिह्नाम् ।

चलच्चंचलोदारताटङ्ककर्णां

भजे शारदाम्बां
अजस्रं मदम्बाम् ॥
८ ॥

   

         ***

Click  here to get to  the Master Index from where you can  access  more than 600 posts

नीलसरस्वतीस्तोत्रम्

घोररूपे महारावे
सर्वशत्रुभयङ्करि ।

भक्तेभ्यो वरदे
देवि त्राहि मां शरणागतम्
॥ १ ॥

सुरासुरार्चिते देवि
सिद्धगन्धर्व सेविते ।

जाड्यपापहरे देवि
त्राहि मां शरणागतम् ॥
२ ॥

जटाजूटसमायुक्ते लोलजिह्वान्तकारिणि ।

द्रुतबुद्धिकरे देवि
त्राहि मां शरणागतम् ॥
३ ॥

सौम्यक्रोधधरे रूपे
चण्डरूपे नमोऽस्तुते ।

सृष्टिरूपे नमस्तुभ्यं
त्राहि मां शरणागतम् ॥
४ ॥

जडानां जडतां
हन्ति भक्तानां भक्तवत्सला
।

मूढतां हर
मे देवि त्राहि मां
शरणागतम् ॥ ५ ॥

वं ह्रं
ह्रुं कामये देवि बलिहोमप्रिये
नमः ।

उग्रतारे नमो
नित्यं त्राहि मां शरणागतम्
॥ ६ ॥

बुद्धिं देहि
यशो देहि कवित्वं देहि
देहि मे ।

मूढत्वं च
हरेर्देवि त्राहि मां शरणागतम्
॥ ७ ॥

इन्द्रादिविलसद्वन्द्ववन्दिते करुणामयि
।

तारे ताराधिनाथास्ये त्राहि मां शरणागतम्
॥ ८ ॥

इदं स्तोत्रं
पठेद्यस्तु सततं श्रद्धयान्वितः ।

तस्य शत्रुः
क्षयं याति महाप्रज्ञा प्रजायते
॥ ९ ॥

Click  here to get to  the Master Index from where you can  access  more than 600 posts

श्रीशारदास्तोत्रम्

शारदा शारदाम्भोजवदना वदनाम्बुजे ।

सर्वदा सर्वदाऽस्माकं
सन्निधिं सन्निधिं क्रियात्
॥ १ ॥

सुरासुरासेवितपादपङ्कजा

करेविराजत्कमनीयपुस्तका ।

विरिञ्चिपत्नी कमलासनस्थिता

सरस्वती नृत्यतु
वाचि मे सदा ॥
२ ॥

माणिक्यवीणामुपलालयन्तीं

मदालसां मंजुळ
वाग्विलासाम् ।

माहेन्द्र नीलद्युतिकोमलांगीं

मातङ्गकन्यां मनसा
स्मरामि ॥ ३ ॥

श्रीमच्चन्दनचर्चितोज्ज्वलवपुः शुक्लांबरा
मल्लिका-

मालालालितकुन्तला प्रविलसन्मुक्तावलीशोभिता ।

सर्वज्ञाननिधानपुस्तकधरा रुद्राक्षमालाङ्किता

वाग्देवी वदनाम्बुजे
वसतु मे त्रैलोक्यमाता शुभा
॥ ४ ॥

या कुन्देन्दुतुषारहारधवला या शुभ्रवस्त्रावृता

या वीणावरदण्डमण्डितकरा या श्वेतपद्मासना ।

या ब्रह्माच्युतशंकरप्रभृतिभिः देवैस्सदा पूजिता

सा मां
पातु सरस्वती भगवती निःशेष
जाड्यापहा ॥ ५ ॥

दोर्भिर्युक्ताश्चतुर्भिः स्फटिकमणिमयीमक्षमालां दधाना

हस्तेनैकेन पद्मं
सितमपि च शुकं पुस्तकं
चापरेण ।

भासा कुन्देन्दुशंखस्फटिकमणिनिभा भासमानाऽसमाना

सा मे
वाग्देवतेयं निवसतु वदने सर्वदा
सुप्रसन्ना ॥ ६ ॥

Click  here to get to  the Master Index from where you can  access  more than 600 posts

श्रीसरस्वतीस्तोत्रम्

या कुन्देन्दुतुषारहारधवला या शुभ्रवस्त्रावृता

या वीणावरदण्डमण्डितकरा या श्वेतपद्मासना ।

या ब्रह्माच्युतशंकरप्रभृतिभिः देवैस्सदा वन्दिता

सा मां
पातु सरस्वती भगवती निःशेष
जाड्यापहा ॥ १ ॥

आशासुराशीभवदङ्गवल्ली भासैवदासीकृतदुग्धसिन्धुम् ।

मन्दस्मितैर्निन्दितशारदेन्दुं वन्देऽरविन्दासनसुन्दरि त्वां ॥ २
॥

शारदा शारदांभोजवदना
वदनाम्बुजे ।

सर्वदा सर्वदास्माकं
सन्निधिं सन्निधिं क्रियात्
॥ ३ ॥

सरस्वतीं च
तां नौमि वागधिष्ठातृदेवताम् ।

देवत्वं प्रतिपद्यन्ते
यदनुग्रहतो जनाः ॥ ४
॥

पातु
नो निकषग्रावा
मतिहेम्नः सरस्वती ।

प्राज्ञेतरपरिच्छॆदं वचसैव
करोति या ॥ ५
॥

शुक्लां ब्रह्मविचारसारपरमामाद्यां जगद्व्यापिनीं

वीणापुस्तकधारिणीमभयदां जाड्यान्धकारापहाम् ।

हस्ते स्फाटिकमालिकां च दधतीं पद्मासने
संस्थितां

वन्दे तां
परमेश्वरीं भगवतीं बुद्धिप्रदां शारदाम्
॥ ६ ॥

वीणाधरे विपुलमंगलदानशीलो

भक्तार्तिनाशिनि विरिञ्चिहरीशवन्द्ये ।

कीर्तिप्रदेऽखिलमनोरथदे महार्हे

विद्याप्रदायिनि सरस्वति
नौमि नित्यम् ॥ ७
॥

श्वेताब्जपूर्ण विमलासनसंस्थिते हे

श्वेताम्बरावृतमनोहरमंजुगात्रे ।

उद्यन्मनोज्ञसितपङ्कजमंजुलास्ये

विद्याप्रदायिनि सरस्वति
नौमि नित्यम् ॥ ८
॥

मातस्त्वदीयपदपङ्कजभक्तियुक्ताः

ये त्वां
भजन्ति निखिलानपरान्विहाय ।

ते निर्जरत्वमिह
यान्ति कलेवरेण

भूवह्निवायुगगनाम्बु विनिर्मितेन
॥ ९ ॥

मोहान्धकारभरिते
हृदये
मदीये

मातः सदैव
कुरु वासमुदारभावे ।

स्वीयाखिलावयवनिर्मलसुप्रभाभिः

शीघ्रं विनाशय
मनोगतमन्धकारम् ॥ १० ॥

ब्रह्मा जगत्सृजति
पालयतीन्दिरेशः

शंभुर्विनाशयति देवि
तव प्रभावैः ।

न स्यात्
कृपा यदि तव प्रकटप्रभावे

न स्युः
कथञ्चिदपि ते निजकार्यदक्षाः ॥
११ ॥

लक्ष्मीर्मेधा धरा
पुष्टिर्गौरी तुष्टिः प्रभा धृतिः
।

एताभिः पाहि
तनुभिरष्टाभिर्मां सरस्वति ॥
१२ ॥

सरस्वत्यै नमो
नित्यं भद्रकाल्यै नमो
नमः ।

वेदवेदान्तवेदाङ्ग विद्यास्थानेभ्य एव च ॥
१३ ॥

सरस्वति महाभागे
विद्ये कमललोचने ।

विद्यारूपे विशालाक्षि
विद्यां देहि नमोऽस्तु ते
॥ १४ ॥

यदक्षरं पदं
भ्रष्टं मात्राहीनं च
यद्भवेत् ।

तत्सर्वं क्षम्यतां
देवि प्रसीद परमेश्वरि ॥
१५ ॥

Click  here to get to  the Master Index from where you can  access  more than 600 posts