SHRI GARUDA DANDAKAH

श्रीगरुडदण्डकः

नमः पन्नगनद्धाय वैकुण्ठवशवर्तिने।

श्रुतिसिन्धुसुधोत्पादमन्दराय गरुत्मते ॥१॥

गरुडमखिलवेदनीडारूढं द्विषत्पीडनोत्कण्ठिताकुण्ठ-वैकुण्ठ-

पीठीकृतस्कन्धमीडे स्वणीडागतिप्रीत-रुद्रासुकीर्ति-स्तनाभोग-

गाढोपगूढ-स्फुरत्कण्टकव्रात, वेधव्यथावेपमान-द्विजिह्वाधिपाकल्प-

विस्फार्यमाण-स्फटावाटिका-रत्नरोचिश्छटाराजि
नीराजितं

कान्ति कल्लोलिनी राजितम् ॥२॥

जय गरुड सुपर्ण दर्वीकराहार देवाधिपाहारहारिन्

दिवौकस्पति-क्षिप्त-दम्भोलि-धाराकिणाकल्प-कल्पान्त-

वातूलकल्पोदयानल्पवीरायितोद्यत्चमत्कार,

दैत्यारि-जैत्रध्वजारोह-निर्धारितोत्कर्ष-संकर्षणात्मन्

गरुत्मन् मरुत्पञ्चकाधीश-सत्यादिमूर्ते न कश्चित्

समस्ते नमस्ते पुनस्ते नमः ॥३॥

नम इदमजहत्सर्पाय पर्याय-निर्यात-पक्षानिलास्फालनोद्वेल-

पाथोधिवीची-चपेटाहतागाधपाताल-भांकार-संक्रुद्ध-नागेन्द्र-

पीडासृणीभाव-भास्वन्नखश्रेणये, चण्डतुण्डाय
नृत्यद्भुजंगभुवे

वज्रिणे दंष्ट्रया तुभ्यं अध्यात्मविद्या विधेयाविधेया

भवद्दास्यमापादयेथा दयेथाश्च मे ॥४॥

मनुरनुगत-पक्षिवक्त्र-स्फुरत्तारक-स्तावकश्चित्रभानुप्रिया-

शेखरस्त्रायतां नस्त्रिवर्गापवर्गप्रसूतिः परव्योमधामन्

बलद्वेषिदफ़्र्पज्वलद्वालखिल्य-प्रतिज्ञावतीर्ण,

स्थिरां तत्त्वबुद्धिं परां भक्तिधेनुं जगन्मूलकन्दे

मुकुन्दे महानन्ददोग्ध्रीं दधीथा दुधाकामहीनाम्

अहीनामहीनान्तक ॥५॥

षट्त्रिंशद्गणचरणो नरपरिपाटी नवीनगुंभगणः।

विष्णुरथदण्डकोऽयं विघटयतु विपक्षवाहिनी व्यूहम्॥६॥

विचित्रसिद्धिदो सोऽयं वेङ्कटेशविपश्चिता।

गरुडध्वजतोषाय गीतो गरुडदण्डकः ॥७॥

P R Ramamurthy